Seguraski, 2020 izan da gure bizitzako urterik bereziena.

Bizi izan dugunak arreta jarri du gu zaintzearen, gure osasuna zaintzearen eta gure ongizatea zaintzearen garrantzian; izan ere, La Perlan duela ia hiru hamarkadaz geroztik espezializatuta gaude alor horietan.

Jakin badakigu, zuetako batzuek jakinarazi diguzuelako, talasoterapia-zirkuitua, gure jatetxeko eta terrazetako gastronomia edo osasun eta edertasun tratamenduak ihesbide garrantzitsua izan direla azken hilabete hauetan (baita zoriontasuna lortzeko giltza bat ere).

Badakigu, halaber, La Perla oso leku garrantzitsua dela sozializatzeko eta besteei irekitzeko, gure instalazioek eguneroko jardunean duten zereginaz eta bertan ematen diren hizketaldi eta sortu diren lagunez. Horregatik, egunero lanean jarraitzen dugu gure izentruko espazio guztiak ingurune segurua izaten jarrai dezaten.

Eguberriak hurbildu ahala, jende askok galdetzen digu zeintzu diren La Perlaren opari-baleak, Olentzerok eta Errege Magoek jasotzen dituzten gutunetako klasiko bat. Opari-txartelek La Perlako katalogoko produktu guztiak hartzen dituzte, eta, beraz, pertsona guztientzako ideiak, gustuak eta aurrekontuak daude. Era berean, oso malguak izaten jarraitzen dute: orain oparitzen dena hurrengo hiru urteetako edozein unetan erabili ahal izango da.

Gure web orrian astiro ibiltzera gonbidatzen zaitugu, oparirik onena aurkitzeko. Bertan Esperientzien aukeraketa bat aurkituko duzu erabakia errazteko edo, gure katalogoa paperean ikusi nahi baduzu, eskatu gure instalazioetan. La Perla esperientzia gure katalogoa irekitzen edo web orrian nabigatzen hasten zareneko momentuan bertan hasiko da, esperientzia ilusionagarri baten bila zabiltzanean.

Espero dugu opari ezin hobea izango dugula La Perlan zure lagun eta pertsona maiteenari oparitu eta partekatzeko, edo zure buruari oparitzeko.

Aurtengo Gabonetan, oparitu deskonexioa, energia, zaporea, osasuna eta edertasuna.
Eguberri on!